حٌطني بالصورة

طلعت شناعة

إذا كانت فيروز تقول ” سألوني الناس ” ، فانا اقول ” جنّنوني الناس “.

كل ما باحكي مع واحد .. بينهي المكالمة بعبارة ” حُطّني بالصورة “.

رحت احلق.. شَعري طبعا.دردشت مع الحلاّق وحكى لي قصة حياته من يوم ما ولِد لحد ما أبوه طلّق امّه.

وعندما انتهى من حلاقتي، قال : 

شوف كيف الحلاقة الحلوة .. ولمّا تروّح وتغسل شَعرك… اعملي ألوه.. و.. حُطّني بالصّورة !

اتصل معي صديقي د. عز الدين غرايبة ، ما غيره ، وسألني : شو صار بالموضوع ؟

تفاجأت.. ورديت: اي موضوع يا دكتور ؟

قال : مذكراتك اللي بتكتبها ..

قلت : الله.. نسيت.

وحياتك لسه محتار فيها 

شو اكتب وشو ما اكتب .. في بلاوي سودا بحياتي الصحفية وخايف أكتبها.

قال  : عموما لما تخلّص .. حُطني ب الصورة !

قلت له : حاضر.

صادفت في كراج العمارة.. جارتنا .

سألتني: شو صار بموضوع انتخاب ” مسؤول العمارة ” ؟

قلت لها ” مش متفقين على شخص.. بنحاول مع الجيران نوصل لحل يُرضى جميع الأطراف.

أغلقت باب سيارتها وقالت ” عموما لما يصير معك اشي .. حُطني بالصورة.

تواصلت مع ” ابو نسَب ” وعرض عليّ شراء قطعة ارض بمنطقة السّلط… وقال ” في كم قطعة كويسات وسعرهن طري.. خذلك قطعة وانا بوخذ قطعة جنبك .

قلت ” أتركني افكّر.

قال : طيّب .. لما تستقر على رأي.. حُطني بالصورة.

..

كل واحد.. 

كل وحدة باحكي معها .. بتنهي حديثها 

تنساش تحطني بالصورة …

شو انا فاتح ستوديو ؟!

• «عيد» القبض على الأقارب

حٌطني بالصورة … حٌطني بالصورة