انت هنا : الرئيسية » الشريط الإخباري » بالفيديو والصور: شو ما صار..شو ما صار ..ما رح نترك هالدوار

بالفيديو والصور: شو ما صار..شو ما صار ..ما رح نترك هالدوار

 

 

الطليعة نيوز: انطلقت مسيرة حاشدة تحت عنوان “جمعة الصمود” بعد صلاة الجمعة من مسجد ذيبان باتجاه دوار “الحرية” مكان وجود خيمة الاعتصام التي نصبت قبل 18 يوما مطالبين بإنهاء مشكلة الفقر والبطالة وتهميش الإطراف، ومؤكدين استمرار الحراك السلمي، إلى حين نيل كافة المطالب.

وشارك بالمسيرة العشرات  من أبناء ذيبان والمتعطلين عن العمل ، مطالبين الحكومة بتحقيق العدالة الاجتماعية وتوفير فرص عمل.

واكدوا على استمرارهم بالتصعيد لحين تحقيق مطالبهم ، إضافة الى البقاء بخيمة الصمود التي اصبحت تمثل مظلة الاحرار المدافعين عن لقمة العيش الكريمة.

 

وهتف المشاركون :

شو ما صار..شو ما صار ما رح نترك هالدوار

اسمع وافهم يا ختيار..ما رح نترك هالدوار

ياللي شاطر بالعطوات ما بنهاب اعتقالات

ياللي شاطر بالتهديد قوتنا مثل الحديد

ياللي يهدد بالضعيف امنلي حق الرغيف

ياللي شاطر بالوعيد احنا احرار مش عبيد

يا شيوخ يا وجهاء قوتكو على الضعفاء

بالاصرار بالاصرار ما رح نترك هالدوار

مطالبنا شرعية مش سرقات علنية

ياللي ساكت انت تشوف سرقتنا على المكشوف

سمعلي المخابرات بطلنا نقبل عطوات

سمعلي المخابرات ما ودنا عشر نيرات

ياللي تطلع اشاعات عيب منك اساءات

يا الله مالنا غيرك يا هادي بالفساد سرقوا حق ولادي

يا الله مالنا غيرك يا جبار بالاصرار ما رح نترك هالدوار

يا الله مالنا غيرك يالحميد والشباب قوتها مثل الحديد

يا الله مالنا غيرك يا قدير والوضع والله صار بدو تغيير

يا الله مالنا غيرك يا ودود همتنا والله ما لها حدود

يا الله مالنا غيرك يا قهار بالفساد ودو البلد للدمار

يا الله مالنا غيرك يا الكبير من الفساد البلد بدها تطهير

يا الله مالنا غيرك يا العليم استجيب لدعوانا يا كريم

يا الله مالنا غيرك يا تواب سرقونا هالحكومة والنواب

يا الله مالنا غيرك يا شكور بالدستور صار يلعب النسور

يا الله مالنا غيرك يالعبود والشباب بدهم حقهم بالدستور

يا الله مالنا غيرك يا فتاح والاصرار هو اعظم السلاح

 

IMG_0490 IMG_0491 IMG_0492 IMG_0493 IMG_0494 IMG_0495 IMG_0496 IMG_0497 IMG_0498 IMG_0501

IMG_0514 IMG_0515 IMG_0516 IMG_0517 IMG_0518 IMG_0523 IMG_0522 IMG_0521 IMG_0520 IMG_0519 IMG_0528 IMG_0527 IMG_0526 IMG_0525 IMG_0524

عن الكاتب

عدد المقالات : 14829

لا مانع من الاقتباس واعادة النشر شريطة ذكر المصدر "الطليعة نيوز". الآراء والتعليقات المنشورة تعبر عن رأي أصحابها فقط

الصعود لأعلى
جميع الحقوق محفوظة 2012 لـ الطليعة